2021-07-12 14:30:50, 997 ნახვა

---

რატი ბრეგაძე: ნებისმიერი დაპირისპირება არის ოკუპანტის ინტერესი, ნუ განვახორციელებინებთ არაკეთილმოსურნეებს საკუთარ განზრახვებს

„ნებისმიერი ძალადობა არის დაუშვებელი და კიდევ ერთხელ მინდა, ვთქვა, რომ სახელმწიფო გვეკუთვნის თითოეულ ჩვენგანს – მეც, თქვენც და ნებისმერ ადამიანს", – ეს განცხადება იუსტიციის მინისტრმა რატი ბრეგაძემ დღეს გამართული მთავრობის სხდომის შემდეგ გააკეთა.

რატი ბრეგაძის თქმით, ყველამ ერთად  უნდა გადავაფასოთ ისტორიის გაკვეთილები, მათ შორის, უახლესი ისტორიის გაკვეთილები, და უნდა შევეცადოთ, რომ ერთმანეთთან მოვძებნოთ სასაუბრო ენა და ერთობლივად მშვიდობიანად შევძლოთ საუბარი.

„ნებისმიერი დაპირისპირება არის მხოლოდ და მხოლოდ ოკუპანტის ინტერესი და ყველას მინდა, გთხოვოთ, ნუ განვახორციელებინებთ ჩვენს არაკეთილმოსურნეებს საკუთარ განზრახვებს. პასუხისმგებლობა არის თითოეულ ჩვენგანზე", – განაცხადა რატი ბრეგაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი