აჭარის მთავრობის თავმჯდომარემ თორნიკე რიჟვაძემ ტვ პირველის ჟურნალისტის, ლექსო ლაშქარავას გარდაცვალების გამო კიდევ ერთხელ ღრმა მწუხარება გამოთქვა და განაცხადა, რომ მნიშვნელოვანია ყველა კითხვას ამომწურავი პასუხი გაეცეს. მისი თქმით, სამწუხაროა, რომ კონკრეტული ტრაგედიით ხდება მანიპულირება მაშინ, როცა გარდაცვალების მიზეზი ჯერ დადგენილი არ არის.

„ლექსო ლაშქარავას გარდაცვალება არის ტრაგედია თითოეული ჩვენგანისთვის და მათ შორის, ჩვენი ქვეყნისთვის.  ეს ძალიან დიდი მწუხარებაა და მნიშვნელოვანია, რომ ყველა კითხვას ამომწურავი პასუხი გაეცეს. დარწმუნებული ვარ, ეს ასეც იქნება.

დიდ ამორალობად მიმაჩნია, რომ კონკრეტული ტრაგედიით ხდება მანიპულირება მაშინ, როდესაც გარდაცვალების მიზეზიც კი არ არის დადგენილი.  კოლეგის და თანამოქალაქის პატივისცემა მოითხოვს, რომ დაველოდოთ ექსპერტიზის შედეგებს. რაც შეეხება დესტრუქციული ძალების სურვილებს, რომ ყველა ჯერზე, როცა სხვადასხვა მიზეზით ქვეყანაში ტრაგედია ხდება, გადადგეს პრემიერი ან შეიცვალოს მთავრობა, ამის ლეგიტიმური საფუძველი არ არსებობს. თქვენ ხედავთ ძალიან დიდ სურვილს და მოლოდინს, რომ დიდი ტრაგედია გადააქციონ დიდი რევანშის შესაძლებლობად, რაც ასე ვერ მოხდება და ვერ განხორციელდება.

ჩვენ ვმუშაობთ იმ გამოწვევებზე, რომელიც ამ ქვეყანას აქვს და ბუნებრივია პრემიერის ხელმძღვანელობით, ყველა ამ გამოწვევას თავს ღირსეულად გავართმევთ", - აღნიშნა თორნიკე რიჟვაძემ.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს