2021-06-18 23:39:58, 1383 ნახვა

---

ეუთო/ოდირი და ვენეციის კომისია - საარჩევნო კოდექსში შესატანი ცვლილებების პროექტში გათვალისწინებულია ძირითადი რეკომენდაციები

„საარჩევნო კოდექსში შესატანი ცვლილებების პროექტის შესწორებულ ვერსიაში გათვალისწინებულია ძირითადი რეკომენდაციები“, - ამის შესახებ ეუთო/ოდირმა და ვენეციის კომისიამ ერთობლივი დასკვნა გამოაქვეყნეს.

დასკვნაში აღნიშნულია, რომ რამდენიმე ელემენტი კვლავ გადასაწყვეტი რჩება.

„პირველ ერთობლივ სასწრაფო დასკვნაში ვენეციის კომისიამ და ეუთო/ოდირ– მა ოთხი ძირითადი და კიდევ რამდენიმე რეკომენდაცია შეიტანეს.

ცვლილებების პროექტის განახლებულ ვერსიაში გათვალისწინებულია ძირითადი რეკომენდაციების მნიშვნელოვანი ელემენტები, კერძოდ: ცენტრალური საარჩევნო კომისიის თავმჯდომარის და უპარტიო წევრების არჩევისთვის დაწესდა პარლამენტის კვალიფიციური უმრავლესობის (ორი მესამედი) ხმა.

მოხსნილია პარტიის მიერ საარჩევნო კომისიაში წევრის დანიშვნის უფლების სპეციფიკური შეზღუდვები, ანუ პირობები, რომ პარტიას უფლება აქვს სახელმწიფო დაფინანსება მიიღოს და რომ პარტიების მინიმუმ ერთი წევრი „პარლამენტის წევრის საქმიანობას ეწევა“, რაც გამორიცხავს იმას, რომ პარტიებმა პარლამენტს ბოიკოტი გამოუცხადონ“, - ვკითხულობთ დასკვნაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი