2021-06-07 11:45:26, 540 ნახვა
საზოგადოება
„საქართველოს რკინიგზის“ განცხადებით, თბილისი-ოზურგეთი-თბილისის რეისი, ოთხშაბათობით, არ იმოძრავებს
მოდერნიზაციის პროექტის ფარგლებში ჩასატარებელი ინფრასტრუქტურული სამუშაოების გამო, 9 ივნისიდან და შემდეგ ყოველ ოთხშაბათს მსვლელობიდან იხსნება თბილისი-ოზურგეთი-თბილისის მატარებელი.
როგორც „საქართველოს რკინიგზაში“ განმარტავენ, ოთხშაბათობით, ოზურგეთის მიმართულებით მატარებელი დროებით არ იმოძრავებს.
მათივე ცნობით, შეზღუდვა იმოქმედებს მოდერნიზაციის პროექტის ფარგლებში კონკრეტულ მონაკვეთზე სამუშაოების დასრულებამდე. „საქართველოს რკინიგზა“ მგზავრებს შექმნილი დისკომფორტის გამო ბოდიშს უხდის.
ავტორი: NS (სტატია დაფინანსებულია),
epn.ge (@expressnews.ge)
