2021-05-30 13:31:59, 735 ნახვა
საზოგადოება
„ნამახვანჰესის“ აქციის მონაწილეებმა რიონის ხეობაში სოფელ სორმონთან კარვები გაშალეს და გზა გადაკეტეს
„ნამახვანჰესის“ აქციის მონაწილეებმა რიონის ხეობაში სოფელ სორმონთან კარვები გაშალეს და გზა გადაკეტეს.
როგორც აქციის ორგანიზატორი და რიონის ხეობის ერთ-ერთი მცველი, ვარლამ გოლეთიანი აცხადებს, გამოირიცხა შესაძლებლობა, რომ რომელიმე გზიდან შევიდეს კომპანია ხეობაში
მისივე თქმით, გზის გადაკეტვაში ადგილობრივებიც დაეხმარნენ.
„კომპანიამ ამასობაში ეს ალტერნატიული გზა გამოძებნა და „პიკაპებით“ ხდებოდა ხეობაში გადაადგილება, ეს არის „მწვანე ყვავილას“ გზა და აქაც გადავკეტეთ ახლა. აქ მცხოვრებლებმა გამოთქვეს სურვილი, რომ გზის ამ ნაწილის დაკეტვაში თავად მიიღებდნენ მონაწილეობას, სოლიდარობა გამოგვიცხადეს და ლეგიტიმაცია რომ მივცეთ ამ ადგილს, როგორც ჩვენს ერთ-ერთ ლოკაციას, მოვედით და ვშლით კარავს. გამოირიცხა შესაძლებლობა, რომ რომელიმე გზიდან შევიდეს კომპანია ხეობაში“, - აცხადებს ვარლამ გოლეთიანი.
ავტორი: ექსპრესნიუსი,
epn.ge (@expressnews.ge)
