ეკონომიკისა და მდგრადი განვითარების მინისტრის, ნათია თურნავას განცხადებით, ხელისუფლება „ნამახვანჰესის“ პროტესტის მონაწილეებთან საქმიანი დიალოგისთვის მზად არის.

როგორც მან აღნიშნა, ეკონომიკის გახსნის მოლოდინში ქუჩების ბლოკირება და პარალიზება აბსოლუტურად მიუღებელია.

„ხელისუფლება არის მზად დიალოგისთვის, კონკრეტული საქმიანი საგნობრივი დიალოგისთვის პროექტთან დაკავშირებით. რა თქმა უნდა, ეს დიალოგი და კომუნიკაცია არ უნდა გასცდეს თვითონ პროექტს და ენერგეტიკის დარგზე საუბარს, არ უნდა გადავიდეს რადიკალიზმში, მაგრამ კვლავაც ვადასტურებ, რომ შექმნილია ძალიან კარგი საქმიანი პლატფორმები, სადაც ასეთი ტიპის საკითხები უნდა ირჩეოდეს და განიხილებოდეს ექსპერტების თანდასწრებით, ეს არის ექსპერტთა საბჭოს შექმნის მოწოდება და ყველა კვლევის განხილვა, საერთაშორისო მედიატორების და ენერგეტიკული გაერთიანებების ჩართულობის ფორმა. ასევე ჩვენი ხელისუფლების ნებისმიერი შტო მზად არის, კონკრეტულად საქმიან სამუშაო ჯგუფებში კონკრეტულ ექსპერტთა წარმომადგენლებთან ნებისმიერი საკითხი განიხილოს. ეს რა თქმა უნდა, ძალიან გაჭირდება ქუჩაში ბლოკირებით, პარალიზებით და ა.შ, რაც ტურისტებისა და ეკონომიკის გახსნის მოლოდინში არის აბსოლუტურად მიუღებელი“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა