2021-05-13 14:45:56, 434 ნახვა
საზოგადოება
ნათია თურნავას განცხადებით, ორი კვირის შემდეგ, შესაძლოა, ქვეყანაში შეზღუდვები შემსუბუქდეს
ეკონომიკისა და მდგრადი განვითარების მინისტრის, ნათია თურნავას განცხადებით, საკოორდინაციო საბჭომ 2 კვირის შემდეგ შესაძლოა, კორონავირუსის წინააღმდეგ დაწესებული შეზღუდვები შეამსუბუქოს.
მისი თქმით, ქვეყანაში შეზღუდვების შემსუბუქება მას შემდეგ მოხდება, რაც დადებითობის მაჩვენებელი გაუმჯობესდება.
„ჩვენ ვფიქრობთ, რომ უახლოესი ორი კვირის შემდეგ, როდესაც ჩვენ კიდევ ერთხელ გადავხედავთ დადებითობის მაჩვენებელს, რომელიც დღეს მაღალია, მაგრამ გვაქვს მოლოდინი, რომ შემცირდება, ჩვენ შევძლებთ, რომ გარკვეული შემსუბუქებები გავაკეთოთ. ყველაფერს შეეხება ეს ერთობლივად“, - განაცხადა ნათია თურნავამ.
ავტორი: ექსპრესნიუსი,
epn.ge (@expressnews.ge)
