2021-05-04 17:57:26, 747 ნახვა
პოლიტიკა
ვახტანგ მეგრელიშვილი - დღეს ვნახე პარლამენტის თავმჯდომარე და მგონია, რომ ვმუშაობ
დღეს ვნახე პარლამენტის თავმჯდომარე და მგონია, რომ ვმუშაობ, - ამის შესახებ პარტია „გირჩის“ წევრმა, ვახტანგ მეგრელიშვილმა განაცხადა, რითაც უქმე დღეების განმავლობაში საპარლამენტო საქმიანობის შეჩერების შესახებ ოპოზიციის მიერ გაკეთებულ კომენტარებს გამოეხმაურა.
როგორც მან აღნიშნა, ვისაც მუშაობა სურს, დღესაც შეუძლია იმუშაოს.
„მთელი წელია, ვცხოვრობთ უქმე დღეების რეჟიმში. უქმე დღეები ისეთი რაოდენობით გვაქვს, რომ ციხის პატიმრებს შეშურდებათ. მოვისმინე ასევე „ქართული ოცნების“ წინადადება, მობრძანდნენ პრობლემა არ არისო, უქმე დღეებშიც ვიმუშავებთო. აქედან გამომდინარე, მათ ვერ დააბრალებ. თუ მუშაობა გვინდა, შეგვიძლია ვიმუშაოთ დღესაც“, - განაცხადა ვახტანგ მეგრელიშვილმა.
ავტორი: ექსპრესნიუსი,
epn.ge (@expressnews.ge)
