ლიეტუვის რესპუბლიკის საგარეო საქმეთა მინისტრი, გაბრიელიუს ლანდსბერგისი სამხრეთ კავკასიაში შექმნილ ვითარებასთან დაკავშირებით სოციალურ ქსელში განცხადებას ავრცელებს.

საგარეო უწყების ხელმძღვანელი წერს, რომ რეგიონში რუსეთის გავლენა უფრო და უფრო იზრდება, სწორედ ამიტომ, სამხრეთ კავკასიის სამივე ქვეყანა საჭიროებს მეტ ევროპას.

„სამხრეთ კავკასიის სამი სახელმწიფო, სხვადასხვა პრობლემები, საერთო ფენომენი. რუსეთის გავლენა სამხრეთ კავკასიის რეგიონში იზრდება, სომხეთში რუსეთის ჯარი აზერბაიჯანის შესაძლო აგრესიისგან დასაცავად დგანან. გაუგებარია, არსებობს თუ არა საფრთხე აზერბაიჯანისგან, თუმცა რუსეთს შეჰყავს დამატებითი ძალები. ეს საშინელებაა.

44 წლიანი ომის შემდეგ, აზერბაიჯანს საკუთარ ტერიტორიაზე „მშვიდობისმყოფელები" ჰყავს. დასავლეთის ყურადღება საკმარისი არ არის, რუსეთის გავლენები უფრო და უფრო იზრდება.

საქართველოს გამოწვევები უფროა ჩვენთვის ცნობილი. 2008 წლიდან ოკუპირებულ ტერიტორიაზე რუსეთს ახალი ჯარისკაცები შეჰყავს და მათ ტერიტორიაზე ახალ ბაზებს აშენებს.

მთელ რეგიონს თუ დააკვირდებით, ჩანს, რომ რუსეთი ყველგან „კალინგრადს" ქმნის. რომელთა დახმარებითაც შეიძლება საფრთხე შეუქმნას შემდგომ სამხედრო ჩარევას, ან თუნდაც მუდმივ პოლიტიკურ გამოწვევას.

სწორედ ამიტომ, სამხრეთ კავკასიის სამივე ქვეყანას მეტი ევროპა სჭირდება. ჰუმანიტარული დახმარება, რეფორმებისთვის ხელის შეწყობა, არჩევნების მონიტორინგი, შუამავლობა - როგორც, ეს საქართველოში იყო. ევროპა არის რბილი ძალა და სამხრეთ კავკასიას სწორედ ეს სჭირდება. ამერიკამ განაცხადა, რომ ის დაბრუნდება. ევროპა უნდა დაბრუნდეს იქ, სადაც აღმოსავლეთ პარტნიორობა 10 წლის წინ დაიწყო. თუ ჩვენ ვერ ვიპოვით უკან დასაბრუნებელ გზას, შესაძლოა მალე დასაბრუნებელი ადგილიც აღარ იყოს“, - წერს ლიეტუვის საგარეო საქმეთა მინისტრი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს