საპარლამენტო უმრავლესობის წევრი ირაკლი ქადაგიშვილი აცხადებს, რომ მმართელი გუნდი ამერიკის შეერთებული შტატების საელჩოს მიაწვდის დეტალურ ინფორმაციას ადმინისტრაციულ სამართალდამრღვევათა კანონში შეტანილ ცვლილებებზე.

როგორც ირაკლი ქადაგიშვილმა აღნიშნა, უმრავლესობა საკანონმდებლო პროცესს ვერ დაუკავშირებს „ნაციონალური მოძრაობის“ დღის წესრიგს.

„ჩვენ საკანონმდებლო პროცესს ვერ დავუკავშირებთ ზოგადად „ნაციონალური მოძრაობის“ დღის წესრიგს, ამიტომ დეპუტატებს ჰქონდათ ყველანაირი საშუალება, რომ მიეღოთ მონაწილეობა ამ კანონპროექტის განხილვაში, ის დეპუტატები ოპოზიციიდან, ვინც დადიან პარლამენტში, მიიღეს მონაწილეობა და მათი აზრი გათვალისწინებული იქნა.

ჩვენ, ჩვენს პარტნიორებს ამასთან დაკავშირებით, მათ შორის, აშშ-საც შესაბამის ინფორმაციას მივაწვდით და ამასთან დაკავშირებით გვექნება კონსულტაცია“, - განაცხადა ირაკლი ქადაგიშვილმა.

ცნობისთვის, გუშინ, საქართველოში აშშ-ის საელჩომ განცხადება გაავრცელა და აღნიშნა, რომ იმედგაცრუებულია მმართველი პარტიის მიერ ადმინისტრაციულ კოდექსში ცვლილებების ნაჩქარევად მიღების გამო.

შეგახსენებთ, რომ პარლამენტმა გუშინ 72 ხმით მიიღო კანონპროექტი, რომელიც წვრილმან ხულიგნობასა და სამართალდამცველთა დაუმორჩილებლობაზე ადმინისტრაციული პატიმრობის გამკაცრების შესახებ ცვლილებებს ითვალისწინებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს