ნიკა მელიას მიაჩნია, რომ დღეს ძალიან მნიშვნელოვანია, ოპოზიციამ შეინარჩუნოს ერთიანობა, - ამის შესახებ ოპოზიციონერმა ლიდერმა, სალომე სამადაშვილმა რუსთავის პენიტენციური დაწესებულების დატოვების შემდეგ ჟურნალისტებს განუცხადა.

მისი თქმით, მელიასთან შეხვედრისას მიმდინარე პოლიტიკურ პროცესებზე და ქვეყანაში პოლიტიკური კრიზისის დაძლევის გზებზე ისაუბრეს.

„ნიკა მელია არის ძალიან მხნედ, არის ძალიან კმაყოფილი იმით, რომ გუშინ გიორგი რურუა გათავისუფლდა. მას მიაჩნია, რომ დღეს ძალიან მნიშვნელოვანია ოპოზიციამ შეინარჩუნოს ერთიანობა. ჩვენ მასთან მიმდინარე პოლიტიკურ პროცესებზე ვისაუბრეთ, იმაზე, თუ როგორ შეიძლება ამ შეთანხმების გამოყენება ყველაზე უფრო პოზიტიურად, როგორც ნიკას გასათავისუფლებლად, ასევე ქვეყანაში მიმდინარე პოლიტიკური კრიზისის დასაძლევად.

მთავარი, რაც დღეს ნიკას გზავნილი არის, ვფიქრობ, არის ის, რომ უნდა შევინარჩუნოთ ერთიანობა. მას მიაჩნია, რომ ჩვენ რაც შეიძლება სწრაფად უნდა დავძლიოთ ყველა უთანხმოება, რომ დავიწყოთ მზადება ადგილობრივი არჩევნებისთვის. ნიკამ ძალიან კარგად იცის, რომ ყველა გადაწყვეტილება, რომელიც მე მივიღე, იყო როგორც ჩვენი სახელმწიფოს ინტერესებიდან გამომდინარე, ასევე ის, თუ როგორ ვაფასებ მე ამ ვითარებიდან გამოსავლის გზას“, - განაცხადა სალომე სამადაშვილმა.

ცნობისთვის, ოპოზიციონერი ლიდერი, სალომე სამადაშვილი რუსთავის ციხეში „ნაცონალური მოძრაობის“ თავმჯდომარეს, ნიკა მელიას შეხვდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს