„სტრატეგია აღმაშენებლის“ ლიდერი გიორგი ვაშაძე მოუწოდებს ოპოზიციის ნაწილს, რომელმაც შარლ მიშელის მიერ წარმოდგენილ დოკუმენტს ხელი არ მოაწერა, რომ შეუერთდნენ შეთანხმებას.

როგორც გიორგი ვაშაძე აღნიშნავს, ოპოზიციის ერთიანობა მნიშვნელოვანია და თუ ოპოზიცია ერთმანეთს „დაკბენს“, საბოლოო შეთანხმება, ივანიშვილის და „ქართული ოცნების“ ხელისუფლებიდან ჩამოშორება, ვერ იქნება მიღწეული.

„მინდა მივმართო ოპოზიციურ კოლეგებს, რომელიც არ შეუერთდნენ ამ შეთანხმებას, მეგობრებო, ძალიან გთხოვთ, არასწორია და უსამართლოა ჩასაფრებული პოზიციის დაჭერა ამ შემთხვევაში, ნუ ეძებთ მიზეზებს, რომ აუცილებლად ვაჩვენოთ, რომ რაღაც არის ცუდად. ჩვენი ერთიანობა, ერთად დგომა ძალიან მნიშვნელოვანია იმისთვის, რომ ამ მნიშვნელოვანი ეროვნული თანხმობის დოკუმენტის აღსრულება მოხდეს ზედმიწევნით, ამიტომ კიდევ ერთხელ მოგიწოდებთ ყველას, ნუ ზიხართ ჩასაფრებულ პოზიციაში, ეს დოკუმენტი ჩვენი საერთო ბრძოლით არის მიღწეული, რომელიც გამარჯვებაა ჩვენი ქვეყნისთვის და მანდ უკვე დაიწყო შედეგების მოტანა. ამიტომ გავერთიანდეთ, ერთად დავდგეთ, იმიტომ რომ მთავარი ამოცანა ივანიშვილის და „ქართული ოცნების“ ხელისუფლების ჩამოშორების ამოცანა არსად არ წასულა, თუ ჩვენ ერთმანეთს დავკბენთ, ვერც ერთ შემთხვევაში ვერ მივაღწევთ საბოლოო შეთანხმებას“, - განაცხადა გიორგი ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს