2021-04-28 10:24:47, 625 ნახვა
პოლიტიკა
ლიეტუვის საგარეო საქმეთა მინისტრი დღეს საქართველოში ოფიციალურ შეხვედრებს გამართავს
ლიეტუვის რესპუბლიკის საგარეო საქმეთა მინისტრი, გაბრიელიუს ლანდსბერგისი დღეს საქართველოში ოფიციალურ შეხვედრებს გამართავს.
ვიზიტის ფარგლებში ლიეტუვის საგარეო უწყების ხელმძღვანელი დღეს საქართველოს პრემიერ-მინისტრს, პრეზიდენტსა და პარლამენტის თავმჯდომარეს შეხვდება.
გაბრიელიუს ლანდსბერგისი საოკუპაციო ხაზის მიმდებარე სოფელ ოძისშიც გაემგზავრება, სადაც ევროკავშირის სადამკვირვებლო მისიასთან ერთად არსებულ ვითარებას გაეცნობა.
ცნობისთვის, ლიეტუვის რესპუბლიკის საგარეო საქმეთა მინისტრი, გაბრიელიუს ლანდსბერგისი საქართველოს გუშინ, 27 აპრილს ეწვია.
ავტორი: ექსპრესნიუსი,
epn.ge (@expressnews.ge)
