2021-04-27 15:01:47, 468 ნახვა
საზოგადოება
სპეცოპერაცია ფონიჭალაში - ნარკოდანაშაულის ბრალდებით რამდენიმე პირი დააკავეს, საქმეში ჩართულია არასრულწლოვანიც
თბილისში, ფონიჭალის დასახლებაში, გურამიშვილის ქუჩაზე, სპეცოპერაცია მიმდინარეობდა.
როგორც შსს-ს წარმომადგენელმა ჟურნალისტებს განუცხადა, სპეცოპერაცია ნარკოდანაშაულს უკავშირდება და გამსაღებლები პირები დააკავეს.
მისივე განმარტებით, საქმეში ფიგურირებს არასრულწლოვანი ბავშვი, რომელიც კონკრეტულ ლოკაციებზე ახდენდა ნარკოტიკული საშუალებების გადატანას, შემდგომი გასაღების მიზნით.
„მიმდინარე საპოლიციო ღონისძიება უკავშირდება ნარკოტიკული საშუალებების გასაღებას, გამსაღებელი პირები იქნებებ დაკავებული. ღონისძიება უპრეცედენტოა, ვინაიდან სქემაში იყო ჩართული არასრულწლოვანი ბავშვი, რომელის კონკრეტულ ლოკაციებზე ახდენდა ნარკოტიკული საშუალებების გადატანას შემდგომი გასაღების მიზნით. გამოძიება 260-ე მუხლით გრძელდება“, - განაცხადა შსს-ს წარმომადგენელმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
