დღეს არის ძალიან მნიშვნელოვანი დღე, ჩვენ ერთი დიდი ნაბიჯი გადავდგით პოლიტიკური კრიზისის აღმოფხვრისკენ, თუმცა ის არ დასრულებულა, -ამის შესახებ „სტრატეგია აღმაშენებლის“ ლიდერმა, გიორგი ვაშაძემ პარლამენტში, ოპოზიციის ბრიფინგზე განაცხადა.

როგორც გიორგი ვაშაძემ აღნიშნა, ოქტომბერში საქართველოში ტარდება რეფერენდუმი, სადაც საქართველოს მოქალაქეები გადაწყვეტენ, იყო თუ არა 2020 წლის საპარლამენტო არჩევნები ლეგიტიმური.

მანვე დასძინა, რომ ოპოზიციას წინ რთული დღეები და საპარლამენტო დისკუსიების დროს ბრძოლები ელის.

„დღეს არის ძალიან მნიშვნელოვანი დღე, ჩვენ ერთი დიდი ნაბიჯი გადავდგით პოლიტიკური კრიზისის აღმოფხვრისკენ მაგრამ ჯერ ის არ არის დასრულებული, დასრულდება მაშინ როდესაც პოლიტპატიმრები იქნებიან თავისუფლალი, როცა ყველა კანონი, რაც მისაღებია იქნება მიღებული და რაც მთავარია, ოქტომბერში საქართველოში ტარდება რეფერენდუმი, ამ რეფერენდუმით საქართველოს მოქალაქეები გადაწყვეტენ, 2020 წლის არჩევნები იყო ლეგიტიმური, თუ არალეგიტიმური, უნდა ჩატარდეს თუ არა რიგგარეშე არჩევნები და უნდა შეიცვალოს თუ არა ხელისუფლება ქვეყანაში. ეს არის ღირსეული დოკუმენტი ჩვენი ქვეყნისთვის. წინ უზარმაზარი, რთული დღეები გველის, ბრძოლები საპარლამენტო დისკუსიების დროს, „ქართული ოცნება“ მარტივად არ განახორციელებს ყველა ცვლილებას, მაგრამ ჩვენ ყველანი მზად ვართ, დასავლელი პარტნიორების სრული მხარდაჭერით და ხალხის სრული მხარდაჭერით, ვაიძულოთ „ქართულ ოცნებას“ შეასრულოს შეთანხმების ყველა პუნქტი“, - განაცხადა გიორგი ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს