2021-04-24 14:52:24, 800 ნახვა
საზოგადოება
არ მაქვს განწყობა, რომ ვინმე დავსაჯო - მეუფე სტეფანემ სასულიერო პირების განკვეთა გადაიფიქრა
ჭყონდიდის მიტროპოლიტმა, მეუფე სტეფანემ სამი სასულიერო პირის განკვეთა გადაიფიქრა.
აღნიშნულის შესახებ მან ამბიონიდან მრევლს მიმართა.
მისი თქმით, არ აქვს განწყობა, რომ ვინმე დასაჯოს.
„თუ ეხლა სინანულით ხართ მოსული ძალიან გამიხარდება. თუ არა მაინც არ დაგსჯით, იმიტომ რომ მე დღეს ამ განწყობით არ ვარ მოსული. თუ არ შეეცდებით რომ რკინის კვერთხი გამოვიყენო მე არ გამოვიყენებ, განწყობა არ მაქვს რომ ვინმე დავსაჯო, არ მაქვს განწყობა ვინმეს განკვეთისა“, - განაცხადა მეუფე სტეფანემ.
ცნობისთვის, სამი სასულიერო პირი, მამა დანიელ გვილავა, მამა პეტრე ღუდუშაური და დიაკვანი ანანია კალანდია მეუფე სტეფანეს მხრიდან განკვეთის მოლოდნში იყვნენ.
ავტორი: ექსპრესნიუსი,
epn.ge (@expressnews.ge)
