2021-04-22 13:24:46, 458 ნახვა
პოლიტიკა
საკონსტიტუციო სასამართლოში ზურაბ ჯაფარიძის, ელენე ხოშტარიას და თამარ კორძაიას სარჩელების განხილვა გადაიდო
საკონსტიტუციო სასამათლოში სადეპუტატო მანდატების შეწყვეტის საქმეზე ზურაბ გირჩი ჯაფარიძის, თამარ კორძაიას და ელენე ხოშტარიას საქმის განხილვა გადაიდო.
პლენუმის გადაწყვეტილებით, არსებითი განხილვა არაუადრეს ორი კვირისა უნდა გაიმართოს, კონკრეტულ თარიღს კი, საკონსტიტუციო სასამართლოს საორგანიზაციო დეპარტამენტი დაადგენს.
განხილვის ორი კვირით გადადების შუამდგომლობა თამარ კორძაიას წარმომადგენელმა, საბა ცაგარეიშვილმა დააყენა.
შეგახსენებთ, რომ „ქართულმა ოცნების“ უმრავლესობამ პარლამენტის ოპოზიციონერი დეპუტატების განცხადებები უფლებამოსილების შეწყვეტის თაობაზე არ დააკმაყოფილა. ზურაბ ჯაფარიძემ, ელენე ხოშტარიამ და თამარ კორძაიამ პარლამენტის შესაბამისი დადგენილება, როგორც არაკონსტიტუციური გადაწყვეტილება, საკონსტიტუციო სასამართლოში გაასაჩივრეს.
ავტორი: ექსპრესნიუსი,
epn.ge (@expressnews.ge)
