საქართველოს ყოფილი პრეზიდენტი, მიხეილ სააკაშვილი მოუწოდებს „ნაციონალურ მოძრაობას“, რომ შარლ მიშელის მიერ შეთავაზებულ დოკუმენტს ხელი მას შემდეგ მოაწერონ, რაც პარტიის თავმჯდოიმარე, ნიკა მელია საპატიმროს დატოვებს.

როგორც სააკაშვილმა სოციალურ ქსელში ვიდეომიმართვისას განაცხადა,  აღნიშნული შეთანხმებით, შემოდგომაზე ადგილობრივი მმართველობის არჩევნებთან ერთად პრაქტიკულად, დაინიშნა რეფერენდუმი.

„პირადად ჩემთვის ძალიან მნიშვნელოვანია, რომ ჩვენი პარტიის გმირული თავმჯდომარე, ნიკა მელია უნდა გამოვიდეს საპატიმროდან ისევე, როგორც გიორგი რურუა. უნდა შეწყდეს პოლიტპატიმრების ნაწილის მიმართ პოლიტიკური დევნა. ეს უნდა მოხდეს უპირობოდ. ნიკა მელიამ უნდა დატოვოს საპატიმრო ყოველგვარი დამამცირებელი პირობების და გაუგებარი გირაოს გარეშე, უნდა დატოვოს ისე, როგორც მას სურს. ის იმყოფება იქ უკანონოდ და უდანაშაულოდ. მას შემდეგ, რაც ის ამ პირობებით დატოვებს საპატიმროს, მინდა მოვუწოდო „ნაციონალურ მოძრაობას“, ხელი მოვაწეროთ ამ შეთანხმებას, რადგან მასში არის მთავარი მეორე პუნქტიც, შემოდგომაზე ადგილობრივი მმართველობის არჩევნებთან ერთად პრაქტიკულად, დაინიშნა რეფერენდუმი „ქართული ოცნების“, ესეიგი ივანიშვილის ხელისუფლებიდან ჩამოშორების თაობაზე“, - განაცხადა მიხეილ სააკაშვილმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს