2021-04-20 09:18:41, 515 ნახვა
პოლიტიკა
სახელმწიფო დეპარტამენტი - ვრჩებით ერთგული, რათა დავეხმაროთ საქართველოს შეთანხმების მიზნის მიღწევაში
ამერიკის შეერთებული შტატების დეპარტამენტის პრესსპიკერი ნედ პრაისი საქართველოში 19 აპრილს, პოლიტიკურ მხარეებს შორის მიღწეულ შეთანხმებას მიესალმება.
როგორც პრესსპიკერი სოციალურ ქსელ „ტვიტერში“ წერს, აშშ ერთგული რჩება, რათა დაეხმაროს საქართველოს შეთანხმების მიზნის მიღწევაში.
„ჩვენ მივესალმებით 19 აპრილს საქართველოში მიღწეულ შეთანხმებას. კეთილი ნების ეს ნიშანი მნიშვნელოვანი პროგრესია საქართველოს დემოკრატიული განვითარებისთვის, ასეთივე მნიშვნელოვანი იქნება მისი განხორციელებაც. ერთგული ვრჩებით, რათა დავეხმაროთ საქართველოს, რომ ამ შეთანხმების მიზანს მიაღწიოს“ - წერს ნედ პრაისი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
