2021-04-18 12:10:59, 1299 ნახვა

---

BBC - ექიმები აცხადებენ, რომ ნავალნის სასწრაფო სამედიცინო დახმარება ესაჭიროება, წინააღმდეგ შემთხვევაში, შესაძლოა გარდაიცვალოს

BBC-ის ინფორმაციით, ექიმები აცხადებენ, რომ ნავალნის სასწრაფო სამედიცინო დახმარება ესაჭიროება, წინააღმდეგ შემთხვევაში, შესაძლოა გარდაიცვალოს.

როგორც „ბიბისი“ მედიკოსების განცხადებებზე დაყრდნობით წერს, ნავალნის ბოლოდროინდელი ანალიზის პასუხები მიუთითებს, რომ მას შეიძლება ნებისმიერ დროს გაუჩერდეს გული ან თირკმლის უკმარისობა განუვითარდეს.

ნავალნის ექიმმა ვასილიევამ „ტვიტერზე“ დაწერა, რომ ალექსეი ნავალნის ჯანმრთელობის მდგომარეობამ ბოლოდროს კრიტიკულ ზღვარს მიაღწია.

ალექსანდრე პოლიპანმა, რომელიც ნავალნის ერთ-ერთი ექიმი იყო, მოწამვლის შემდეგ , გამოაქვეყნა სისხლის ანალიზის შედეგები და თქვა, რომ მას სჭირდება გადაუდებელი სამედიცინო დახმარება, ან იგი "მომდევნო დღეებში შესაძლოა გარდაიცვალოს".

შეგახსენებთ, რომ პრეზიდენტ ვლადიმერ პუტინის ცნობილი კრიტიკოსი, თებერვალში თანხის გაფლანგვის ბრალდებით დააპატიმრეს.

ცნობილმა მწერლებმა, მხატვრებმა და მეცნიერებმა მიმართეს წერილით ვლადიმერ პუტინს, რომელშიც ნათქვამია, რომ ალექსეი ნავალნიმ სასწრაფო სამედიცინო დახმარება უნდა მიიღოს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი