2021-04-17 15:08:15, 599 ნახვა
საზოგადოება
რუსთაველის თეატრთან, სადაც ძალადობის წინააღმდეგ აქცია მიმდინარეობს, სიტყვიერი დაპირისპირება მოხდა
რუსთაველის თეატრის წინ დამოუკიდებელი პროფესიული კავშირი „გილდია“ აქციას მართავს.
აქციის მონაწილეები მსახიობ ნინუცა მაყაშვილს სოლიდარობას უცხადებენ და ძალადობას აპროტესტებენ.
რუსთაველის თეატრთან, ცოტა ხნის წინ, მცირედი დაპირისპირება მოხდა.
აქციის მიმდინარეობისას შენობიდან რამდენიმე მსახიობი გამოვიდა და პროტესტის შინაარსი გააკრიტიკა, რასაც აქტივისტებსა და მსახიობებს შორის სიტყვიერი დაპირისპირება მოჰყვა.
შეგახსენებთ, რომ რუსთაველის თეატრის მსახიობს, ბესო ზანგურს ყოფილი მეუღლე ნინუცა მაყაშვილი ძალადობაში ადანაშაულებს. როგორც მაყაშვილმა ტელეკომპანია „რუსთავი 2"-ზე გასულ გადაცემაში აღნიშნა, ყოფილი მეუღლე მასზე ხშირად ძალადობდა, მათ შორის, ორსულობის პერიოდშიც.
ავტორი: ექსპრესნიუსი,
epn.ge (@expressnews.ge)
