მონიტორინგის შედეგად რისკები ბევრად უფრო შემცირებულია, - ამის შესახებ თბილისის მერის მოადგილემ, ირაკლი ბენდელიანმა მაჭავარიანის ქუჩაზე არსებულ მეწყერსაშიშ ზონასთან დაკავაშირებით განაცხადა.

ბენდელიანმა ჟურნალისტებთან ვაშლიჯვრის ფერდობზე არსებულ მეწყერსაშიშ ზონაში, ბოლო 2 კვირის განმავლობაში განხორციელებულ სამუშაოებზე ისაუბრა.

„სამუშაოები, რაც ბოლო კვირების განმავლობაში განხორციელდა ისაა, რომ მოხდა დიდი მოცულობის მიწის მასის მოხსნა, რაც გულისხმობს უშუალოდ მეწყერის ტანის შემცირებას. მიზანი იყო, რომ მეწყრული არეალიდან დატვირთვა მოგვეხსნა, რომ მეწყერული მასის გადაადგილება შეგვემცირებინა. ასევე მოხდა მოჭრილი მიწის მასით ე.წ. წინაღობის შექმნა. ასევე კონკრეტული ჭაბურღილები გაკეთდა, სადაც შესაბამისი სითხით ცემენტიზაცია განხორციელდა. ამის მიზანი იყო, რომ ხახუნის ძალა კიდევ უფრო გაგვეძლიერებინა. ასევე მოხდა ერთ-ერთი მნიშვნელოვანი ღონისძიება ის, რომ დაყენდა მონიტორინგის სისტემა და ჩვენ შესაძლებლობა გვაქვს, რომ მუდმივ რეჟიმში ვაკონტროლოთ არსებული ვითარება. რისკები დღეს ბევრად უფრო მეტად შემცირებულია, ვიდრე სამი კვირის წინ იყო, მონიტორინგის და დაკვირვების შედეგია“, - განაცხადა ირაკლი ბენდელიანმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია