2021-04-14 13:02:39, 589 ნახვა
საზოგადოება
„ქართული ოცნების“ ოფისთან მიმდინარე აქციაზე ხმაური იყო - პოლიციამ 4 აქტივისტი დააკავა
„ქართული ოცნების“ ცენტრალურ ოფისთან, სადაც სამოქალაქო აქტივისტები აქციას მართავენ, ხმაური იყო.
„მოძრაობა საქართველოსთვის“ წევრები ოკუპირებული ტერიტორიებიან გადმოსული საქართველოს მოქალაქეებისთვის 5-დღიანი კარანტინის მოხსნას ითხოვდნენ. ადგილზე სამართალდამცველებსა და აქტივისტებს შორის დაპირისპირება მოხდა.
როგორც „ექსპრესნიუსს“ შინაგან საქმეთა სამინისტროში განუცხადეს, ადგილზე სამართალდამცველებმა 4 პირი დააკავეს.
უწყებაში აცხადებენ, რომ ისინი სსკ-ს 164-ე და 173-ე ადმინისტრაციულ სამართალდამრღვევათა მუხლით არიან დაკავებულნი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
