„პატრიარქს დაცვა არ სჭირდება და მოვლენებს სახელი სწორად უნდა დავარქვათ“, - ამის შესახებ ახალქალაქის კუმურდოსა და კარის მიტროპოლიტიმა, მეუფე ნიკოლოზმა ტელეკომპანია „რუსთავი 2“-ის ეთერში განაცხადა.

მან ასევე აღნიშნა, რომ მიესალმება იმ დამოკიდებულებას, რომელიც დღეს აქციის მონაწილეებმა პატრიარქის მიმართ გამოავლინსე.

„თუ სახელებს სწორად დავარქმევთ მოვლენებს, მთავარი არის სახელის დარქმევა.

მაშინ გაცხადდება თავისი შინაარსი. ესე იგი, პატრიარქს დაცვა არ სჭირდება. აქ არის ლაპარაკი იმაზე, რომ ადამიანების ჯგუფმა გამოხატა პატრიარქის მიმართ თავისი დამოკიდებულება და ძალიან კარგი თუ გამოხატა.

მაგრამ, თუ ამ ადამიანებს პოლიტიკური მიზნები აქვთ, ეს მათი საქმეა. და თუ ესენი ცდილობენ, რომ პატრიარქისადმი მათი დამოკიდებულებით ქულები დააგროვონ, ამაშიც მე ცუდს ვერაფერს ვერ ვხედავ.

მაგრამ პოლიტიკა არის პოლიტიკა და ჩვენ ეკლესიის წარმომადგენლები, სასულიერო პირები მაქსიმალურად ვცდილობთ, რომ პოლიტიკური შეფასებებისგან თავი შევიკავოთ.

ამიტომ, მე პოლიტიკურ შეფასებას ვერ გავაკეთებ და პატრიარქის მიმართ კეთილი სიტყვების გამოთქმას მივესალმები ყოველთვის.

ნებისმიერი შეკრება დღეს აუცილებლად პოლიტიკური აქტივობაა, სხვანაირად უბრალოდ ამას გვერდს ვერ აუვლი და გადაწყვიტეს და თავის საქმე თვითონ იცის ამ ხალხმა, მთავარია, ხალხი როგორ ენდობა მათ“, - განაცხდა მეუფე ნიკოლოზმა.

ავტორი: ექსპრესნიუსი,

სოციალური ქსელები

კობახიძე - გულწრფელად ვულოცავ ფაშინიანს არჩევნებში მისი პარტიის წარმატებას

ფაშინიანის "სამოქალაქო კონტრაქტის" ეგზიტპოლით, მათი პარტია არჩევნებში 56.7%-ით იმარჯვებს

სომხეთში საპარლამენტო არჩევნები დასრულდა

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა