2021-04-09 16:58:54, 799 ნახვა
საზოგადოება
თბილისის მერიაში აცხადებენ, რომ „უცნობი“ ბერლინის კედლის ფრაგმენტზე წარწერის გაკეთებისთვის დაჯარიმდება
ბერლინის კედლის ფრაგმენტზე გაკეთებული წარწერის გამო, თბილისის მერია მომღერალ გია გაჩეჩილაძეს, იგივე „უცნობს“ დააჯარიმებს.
როგორც „ექსპრესნიუსს“ დედაქალაქის მერიაში განუცხადეს, აღნიშნული ფაქტი კანონდარღვევად ითვლება, რასაც მუნიციპალური ინსპექციის მხრიდან შესაბამისი ზომები მოჰყვება.
თუ, რა თანხის ოდენობის ჯარიმას გამოუწერს გაჩეჩილაძეს მუნიციპალური ინსპექცია, ჯერჯერობით, უცნობია.
შეგახსენებთ, რომ დღეს გია გაჩეჩილაძის ინიციატივით, ევროპის მოედანზე მოქალაქეების შეკრება გაიმართა. მომღერალმა ბერლინის კედლის ფრაგმენტს იასამნისფერი „პულივიზატორით“ „ღმერთი სიყვარულია“ მიაწერა.
ავტორი: ექსპრესნიუსი,
epn.ge (@expressnews.ge)
