2021-04-09 11:37:54, 659 ნახვა
პოლიტიკა
დავით ზალკალიანი - ჩვენ არ გვაქვს იმის ფუფუნება, რომ ქვეყანა იყოს ხელოვნურ პოლიტიკურ კრიზისში
საგარეო საქმეთა მინისტრის, დავით ზალკალიანის განცხადებით, ხელისუფლებასა და ოპოზიციას შორის შეთანხმება უნდა შედგეს.
როგორც მან აღნიშნა, ქვეყანას არ აქვს ფუფუნება, რომ ხელოვნურ პოლიტიკურ კრიზისში იყოს შესული.
„უნდა მოხდეს შეთანხმება, რადგან როგორც ჩვენი ყველა სტრატეგიული პარტნიორი მოგვიწოდებს, ჩვენ არ გვაქვს ამჟამად იმის ფუფუნება, რომ ქვეყანა იყოს შესული ხელოვნურ პოლიტიკურ კრიზისში. ჩვენ აუცილებლად უნდა დავასრულოთ ის გამოწვევები, რაც ქვეყნის წინაშეა. ეს ვერ იქნება დაძლეული შიდა კონსოლიდაციის გარეშე, პრობლემების ქუჩიდან პარლამენტში გადატანის გარეშე“, - განაცხადა დავით ზალკალიანი.
ავტორი: ექსპრესნიუსი,
epn.ge (@expressnews.ge)
