კორკოტა პოლიტიკურ-საზოგადოებრივ ორგანიზაციას სლოგანით "აბა ჰე, აბა ჰო"-ს აფუძნებს

2015-01-05 20:49:43, 1045 ნახვა

თბილისში, 10 იანვარს ახალი პოლიტიკურ-საზოგადოებრივი კოალიცია სლოგანით: „აბა ჰე, აბა, ჰო!“ დაფუძნდება, რომლის სახელწოდებაც სავარაუდოდ, „გაბრაზებული მოქალაქე“ იქნება.

ამის შესახებ გაზეთი „ქრონიკა“ წერს.

როგორც მოძრაობის ერთ-ერთი დამფუძნებელი გია კორკოტაშვილი აცხადებს, ეს იქნება გაერთიანება, რომელიც 2016 წლის საპარლამენტო არჩევნებშიც მიიღებს მონაწილეობას.

„საზოგადოება უკვე დამუხტულია და ეს მუხტი საზოგადოებამ უნდა გამოუშვას. უარყოფით ენერგიას უნდა განეიტრალება, რათა დიდი უარყოფითი შედეგები არ მივიღოთ. ორი წლის თავზე „ოცნება“ ძალიან დაბნეულია, „ოცნება“ ჰქვია ძალიან ბევრ რაღაცას, ამ სახელწოდების ქვეშ ძალიან ბევრი ადამიანი გაერთიანდა და უამრავი ადამიანი როგორც უნდა, ისე სარგებლობს, მაგრამ ბოლოს ჯოხი მაინც ბიძინა ივანიშვილზე ტყდება.
ესე იგი, ბიძინა არის გუნდის მწვრთნელი, ასევე მოთამაშე-მწვრთნელი და მოთამაშეც. მოკლედ, გარედან ჩანს ასე“,-განაცხადა კორკოტაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან