2021-04-03 13:17:14, 606 ნახვა
საზოგადოება
„ვოლსკის სამართლის კოდექსი“ - მოძრაობა „შეცვალემ“ საქალაქო სასამართლოსთან აქცია-პერფორმანსი გამართა
თბილისის საქალაქო სასამართლოსთან მოძრაობა „შეცვალეს“ წევრებმა აქტივისტ ნიკა ფარულავას პროცესის პარალელურად აქცია-პერფორმანსი გამართეს.
აქციის მონაწილეები პარლამენტის ვიცე-სპიკერის, გია ვოლსკის უხამს ჟესტს აპროტესტებდნენ.
სიმბოლურად, მათ ადგილზე მიტანილი ჰქონდათ, „გია ვოლსკის სამართლის კოდექსი“, რომელიც ხუთი მუხლისგან შედგება.
აქტივისტები ვოლსკის თანამდებობიდან გადადგომას მოითხოვენ.
ცნობისთვის, გუშინ, „ქართული ოცნების“ ცენტრალურ ოფისთან მიმდინარე საპროტესტო აქციაზე პარლამენტის ვიცე-სპიკერმა, გია ვოლსკიმ აქტივისტებს შეურაცხმყოფელი ჟესტი აჩვენა. იმავე აქციაზე პოლიციამ 13 აქტივისტი დააკავა.
ავტორი: ექსპრესნიუსი,
epn.ge (@expressnews.ge)
