2021-04-02 23:56:07, 769 ნახვა
მსოფლიო
კაპიტოლიუმის შენობა დაიხურა - გამოცხადდა სრული მობილიზება
კაპიტოლიუმთან ავტომობილი პოლიციის თანამშრომლებს დაეჯახა.
როგორც „ბი ბი სი“ იუწყება, კაპიტოლიუმის შენობასთან განთავსებულ ბარიერებს ავტომობილი დაეჯახა, რის შედეგადაც ორი პოლიციის თანამშრომელი დაშავდა.
ავტომობილის მძღოლი ადგილზევე დააკავეს, თუმცა მისი კლინიკაში გადაყვანა გახდა საჭირო.
ინციდენტის გამო, სრულად ჩაიკეტა კონგრესის შენობის ყველა შესასვლელი და გამოცხადდა სრული მობილიზება, ასევე შეიზღუდა ავტომობილების გადაადგილება დროებით. ადგილზე ამ დროისთვის ფედერალური ბიუროს თანამშრომლები არიან.
კაპიტოლიუმის თანამშრომლებსა და კონგრესმენებს აეკრძალათ შენობსთან მიახლოვება, ხოლო იმ დროს შენობაში მყოფებს გარეთ გამოსვლა.
ავტორი: ექსპრესნიუსი,
epn.ge (@expressnews.ge)
