ტელეკომპანია „რუსთავი 2“-ის გენერალური დირექტორი პაატა სალია ტელეწამყვან მაია ასათიანი განცხადებას ეხმაურება.

მისი განცხადებით, ასათიანი განცხადება ტელეკომპანიისა და თანამშრომლების მიმართ დაუმსახურებელი და შეურაცხმყოფელი იყო.

პაატა სალიას განცხადებას ტელეკომპანია „რუსთავი 2“ ავრცელებს.

„თავს ვალდებულად მივიჩნევ და მსურს გამოვეხმაურო გადაცემა - „პროფილის“ ავტორის ემოციურ მონოლოგს, სადაც ის ტელეკომპანიის და მისი თანამშრომლების მიმართ დაუმსახურებელ და შეურაცხმყოფელ განცხადებას აკეთებს.

მინდა სრული პასუხისმგებლობით განვაცხადო, რომ ახალი მფლობელის პირობებში არც ერთი გადაცემის და მათ შორის „პროფილის“ შემოქმედებითი ჯგუფის სარედაქციო საქმიანობაში, არც ერთ ეტაპზე, რაიმე სახის ჩარევას ადგილი არ ჰქონია.

„პროფილის“ დახურვა არ მომხდარა არხის მენეჯმენტის ინიციატივით, ეს გადაწყვეტილება გადაცემის ავტორმა, მაია ასათიანმა, გუნდთან ერთად, თავად მიიღო, მას შემდეგ, რაც ახალ საეთერო ბადეში შეჩერდა, ამავე გუნდის მიერ მომზადებული გადაცემა - „შორენას ეფექტი“.

მაია ასათიანს ჰქონდა სრული გარანტია, რომ მიუხედევად არხზე მიმდინარე ცვლილებებისა, გადაცემა "პროფილის" შემოქმედებითი ჯგუფი ავტორთან ერთად, ჩვეულ რეჟიმში განაგრძობდა მუშაობას.

„რუსთავი 2“ წარმატებას უსურვებს „პროფილის“ შემოქმედებით ჯგუფს.

ტელეკომპანია კი მალე არხის მაყურებელს ბევრ ახალ და საინტერესო პროექტს შესთავაზებს და უმოკლეს დროში კვლავ გახდება ნომერ პირველი“, - ვკითხულობთ განცხადებაში.

ავტორი: ექსპრესნიუსი,

სოციალური ქსელები

საზოგადოებრივ მაუწყებელთან ონისე ოქრიაშვილის მხარდასაჭერად აქცია გამართა

საქართველომ უკრაინის მოქალაქეებს ფინანსური და სამედიცინო დახმარება გაუხანგრძლივა

ელენე ხოშტარიამ მხარი დაუჭირა ვიქტორ ყიფიანის ინიციატივას ოპოზიციის კონსოლიდაციის შესახებ

თიბისი კაპიტალმა მაკროეკონომიკური განახლება გამოაქვეყნა