საგარეო საქმეთა მინისტრობის კანდიდატის, დავით ზალკალიანის განცხადებით, საგარეო საქმეთა სამინისტრომ შეიმუშავა დოკუმენტის პროექტი, რომლითაც განსაზღვრულია 2024 წელს ევროკავშირში წევრობის განაცხადის მოსამზადებლად გასავლელი ნაბიჯები, - ამის შესახებ მინისტრობის კანდიდატმა პარლამენტის სამი კომიტეტის გაერთიანებულ სხდომაზე სიტყვით გამოსვლისას განაცხადა.

როგორც მან აღნიშნა, ევროკავშირის შესაბამის ინსტუტებთან ერთად მუშავდება საქართველოს ევროკავშირთან ასოცირების დღის წესრიგი, რომელშიც გაწერილი იქნება მომავალი შვიდი წლის განმავლობაში საქართველოს მიერ განსახორციელებელი რეფორმები და ის ვალდებულებები, რომელიც ასოცირების შეთანხმებით არის აღებული.

ზალკალიანმა ხაზი გაუსვა საქართველოს, უკრაინისა და მოლდოვის საგარეო საქმეთა მინისტრების ვიდეო კონფერენციას, რომლის დროსაც მხარეებმა შეაჯამეს სამი ქვეყნის პოზიციები 2021 წლის მეორე ნახევარში დაგეგმილი აღმოსავლეთ პარტნიორობის სამიტისა და პარტნიორობის მომავალი პრიორიტეტების შესახებ.

„ტრიოს თანამშრომლობას ევროინტეგრაციის საკითხებზე განსაკუთრებული მნიშვნელობა აქვს იმისთვის, რომ სამივე ქვეყანამ უფრო უკეთ შეძლოს საერთო პოზიციების მიტანა ევროკავშირის ინსტიტუტებისა და ევროკავშირის წევრი ქვეყნების მთავრობებამდე“, - განაცხადა ზალკალიანმა.

ავტორი: ექსპრესნიუსი,

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა