„მოქალაქეები“ ირაკლი ღარიბაშვილის პრემიერ-მინისტრად დანიშვნას მხარს არ დაუჭერენ, - ამის შესახებ პარტიის ლიდერმა ლევან იოსელიანმა განაცხადა.

მისი თქმით, ელოდნენ, რომ მმართველი გუნდი პრემიერის თანამდებობაზე წარადგენდა კანდიდატს, რომელიც პროცესებს მოლაპარაკების მაგიდაზე გადაიტანდა, თუმცა ღარიბაშვილი ამ მიზნისთვის არაა.

„ღარიბაშვილი პერსონიდან გამომდინარე, მისი დამოკიდებულება ოპოზიციის მიმართ აქამდეც ცნობილი იყო. ეს დამოკიდებულება აისახება, რა თქმა უნდა, მის ქმედებებსა და საბოლოო ჯამში კიდევ უფრო ართულებს სიტუაციას ამ ქვეყანაშ. მოველოდი, რომ „ქართული ოცნება“ ისეთ კანდიდატურას შემოგვთავაზებდა, რომელიც ამ ფონს დაამშვიდებდა და ყველაფერს მოლაპარაკების მაგიდასთან დაგაიტანდა. თუმცა ირაკლი ღარიბაშვილის კანდიდატურა არ არის ამ მიზნის მისაღწევად.

ამ ქვეყანაში რეპრესიები არავის გასვლია და არც გაუვა, ვერც ღარიბაშვილს და ვინც არ უნდა იყოს ის. შეუძლებელია ამ ქვეყანაში რეპრესიების ჩატარება ვინც სცადა ამის გაკეთება, იმან რა პოლიტიკური ფასიც გადაიხადა ყველამ ვიცით“, - განაცხადა ლევან იოსელიანმა.

შეგახსენებთ, რომ „ქართულმა ოცნებამ“ პრემიერ-მინისტრობის კანდიდატად ირაკლი ღარიბაშვილი გუშინ დაასახელა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია

საგანძურის მარათონი დაიწყო - შემოუერთდი საგანძურის მაძიებლებს თიბისის მობაილბანკში