„აქეთ ღარიბაშვილი ხეებზე ჰკიდებს ოპოზიციას ,  იქით სააკაშვილს ხელები ეფხანება“, - ამის შესახებ „მოქალაქეების“ ლიდერმა, ალეკო ელისაშვილმა განაცხადა.

მისი თქმით, პრემიერის კანდიდატად ოპოზიციის მოძულე ადამიანი დაასახელეს.

„ამ ვითარებაში „ქართულ ოცნებას“ უნდა შეერჩია ისეთი ადამიანი,  ვინც ნაბიჯებს გადადგამდა სიტუაციის დეესკალაციისკენ. ეს მანიშნებელია იმის რომ „ქართულ ოცნებას“ სიტუაციიდან ვერანაირი დასკვნა ვერ გამოაქვს. ეს ნიშნავს იმას, რომ „ქართული ოცნება“ ისევ კუნთების თამაშს განაგრძობს. იმის ნაცვლად,  რომ მოლაპარაკებები დაიწყოს და რაიმეზე შევთანხმდეთ, ნიშნავენ ადამიანს, რომელიც არის ყველაზე მოძულე ოპოზიციის. ორივე მხარე ცდილობს ცეცხლზე ნავთი დაასხას და კუნთები ათამაშოს. ახლა ღარიბაშვილის პირველი განცხადება ხო წარმოგიდგენიათ - ისინი უნდა დაამთავრონ, ესენი ხეზე უნდა ჩამოკიდონ, იქიდან სააკაშვილი ლამის გამოძვრეს ტელევიზორში და ხელები ეფხანება, რევანშის გეგმები აქვს. ქვეყანას მივაქანებთ კატასტროფისკენ“, - განაცხადა ალეკო ელისაშვილმა.

შეგახსენებთ, რომ პრემიერ-მინისტრობის კანდიდატად ირაკლი ღარიბაშვილი წარადგინეს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია

საგანძურის მარათონი დაიწყო - შემოუერთდი საგანძურის მაძიებლებს თიბისის მობაილბანკში