საქმე გვაქვს უპრეცედენტო შემთხვევასთან, ბრალდების მხარე ბრალდებულის მიმართ ლმობიერ დამოკიდებულებაზე საუბრობს, ხოლო დაცვის მხარე ითხოვს, რატომ არ მოახდინა პროკურატურამ ნიკანორ მელიას დაპატიმრება, - ამის შესახებ პროკურორმა ამირან გულუაშვილმა ჟურნალისტებთან პარლამენტში, საპროცედურო საკითხთა და წესების და იურიდიულ საკითხთა კომიტეტების ერთობლივი სხდომის დაწყებამდე განაცხადა.

როგორც მან აღნიშნა, თანამდებობრივი მდგომარეობა არ არის არავისთვის ინდულგენცია, ყველა ვალდებულია დაემორჩილოს კანონს და შეასრულოს სასამართლოს გადაწყვეტილება.

„ჩვენი მიზანი იყო მართლმსაჯულების პროცესი, რომელიც ნიკა მელიას მიმართ ხორციელდება, წარმართულიყო სამართლებრივ ჩარჩოებში და მის მიმართ ყოფილიყო გამოყენებული ადეკვატური აღკვეთის ღონისძიება, კონკრეტულ შემთხვევაში - გირაო. ის ფაქტი, რომ დღეს ამგვარი წინადადება არის წარმოდგენილი და პარლამენტი იმსჯელებს ამ საკითხზე, არის შედეგი ნიკანორ მელიას ქმედებისა, რომელსაც უბრალოდ არ სურს გირაოს თანხის გადახდას.

რაც შეეხება კითხვას, თუ რატომ არ მოხდა ბრალდების მხარის მიერ ბრალდებულისთვის თავდაპირველად პატიმრობის გამოყენება, შეიძლება ითქვას, რომ საქმე გვაქვს უპრეცედენტო შემთხვევასთან. როდესაც ბრალდების მხარე საუბრობს ლმობიერ დამოკიდებულებაზე ბრალდებულის მიმართ და დაცვის მხარე ითხოვს რატომ არ მოახდინა პროკურატურამ ნიკანორ მელიას დაპატიმრება. ყველა ამ საკითხთან დაკავშირებით დეტალურად ვიმსჯელებთ. საპარლამენტო იმუნიტეტი, თანამდებობრივი მდგომარეობა არ არის არავისთვის ინდულგენცია, ყველა ვალდებულია დაემორჩილოს კანონს და შეასრულოს სასამართლოს გადაწყვეტილება მიუხედავად იმისა, ეთანხმებიან თუ არა ამას.

რაც შეეხება აღკვეთის ღონისძიების მიზნებს, ჯერ კიდევ 2019 წლის 27 ივნისს, როდესაც თბილისის საქალაქო სასამართლომ განიხილა მის მიმართ აღვეთის ღონისძიების საკითხი, მაშინვე იქნა იდენტიფიცირებული ოთხი საფრთხე და ეს იყო: მიმალვის, მტკიცებულებათა განადგურების, მოწმეებზე ზემოქმედებისა და ახალი დანაშაულის ჩადენის საფრთხე“, - განაცხადა ამირან გულუაშვილმა.

ცნობისთვის, „ნაციონალური მოძრაობის“ თავმჯდომარის, ნიკა მელიასთვის სადეპუტატო იმუნიტეტის შეჩერებაზე პარლამენტი დღეს იმსჯელებს.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა