2021-02-15 13:14:21, 421 ნახვა
პოლიტიკა
„გირჩის“ ლიდერებმა ოპოზიციის შეხვედრა დატოვეს
„გირჩის“ ლიდერებმა „ლეიბორისტული პარტიის“ ოფისში მიმდინარე ოპოზიციის შეხვედრა დატოვეს.
ოფისის დატოვების შემდეგ „გირჩის“ წევრმა ვახტანგ მეგრელიშვილმა განაცხადა, რომ აღნიშნულის მიზეზი ოპოზიციის მხრიდან პასუხგაუცემელი კითხვები გახდა.
„ძალიან მალე დავტოვეთ შეხვედრა. მიზეზი იყოს ის, რომ ჩვენ რაღაც კითხვები დავსვით და ამ კითხვებზე პასუხი ვერ მივიღეთ. გარეთ გავიდნენ და კითხვებზე პასუხის გაცემის ნაცვლად სიგარეტის მოწევა დაიწყეს. ჩვენ ვართ მთავარი ოპოზიცია“, - განაცხადა ვახტანგ მეგრელიშვილმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
