2021-02-13 12:53:32, 493 ნახვა
საზოგადოება
ბორჯომში მცხოვრები დევნილი ოჯახების საკითხებზე სამუშაო შეხვედრა გაიმართა
დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორს ბესარიონ სიმონიშვილს, ახალციხის, ადიგენის, ბორჯომისა და ასპინძის მაჟორიტარ დეპუტატს ანტონ ობოლაშვილსა და სამცხე-ჯავახეთის მხარის სახელმწიფო რწმუნებულს ბესიკ ამირანაშვილს შორის სამუშაო შეხვედრა გაიმართა.
შეხვედრაზე მხარეებმა ბორჯომის მუნიციპალიტეტში მცხოვრები იძულებით გადაადგილებული ოჯახების საკითხებზე იმსჯელეს და მათი გრძელვადიანი განსახლების ალტერნატივები განიხილეს.
სააგენტოს დირექტორმა, მაჟორიტარმა დეპუტატმა და სახელმწიფო რწმუნებულმა დევნილი ოჯახების საცხოვრებელი პირობები ადგილზეც მოინახულეს, მათი პრობლემები პირადად მოისმინეს და გადაჭრის გზებზე ისაუბრეს.
ავტორი: NS (სტატია დაფინანსებულია),
epn.ge (@expressnews.ge)
