ქობულეთში გარდაცვლილი 14 წლის მოზარდის დედის განცხადებით, მისი შვილი გაუპატიურების შემდეგ მამამთილის ძმისშვილებმა სასტიკად სცემეს.

როგორც მერი რომანაძემ ჟურნალისტებთან საუბრისას აღნიშნა, შვილზე განხორციელებული სექსუალური ძალადობის შესახებ მას შემდეგ გაიგო, რაც 14 წლის მოზარდმა ამბის პოლიციისთვის შეტყობინება გადაწყვიტა.

„როდესაც ჩემი შვილი გააუპატიურეს, იმ დღეს, სანამ მილიციაში წამოიყვანდნენ, ჩემი შვილი უმოწყალოდ სცემეს ამირან ცეცხლაძემ და ტარიელ ცეცხლაძემ. ესენი ჩემი მამამთილის ძმისშვილები არიან. ეს ყველაფერი მე ბავშვმა მომიყვა. ძლივს გამოართვეს, ბავშვი შემოგაკვდებაო და ციხეში დაჯდებიო, ასე უთქვამთ. მამამთილს ხელი რომ არ დაურტყამს, ეს ვიცი, მაგრამ ზოგადად, ის როდესაც სვამდა, ნერვული იყო ხოლმე. ჩემმა მამამთილმა გადაწყვიტა რომ ჩვენ ამ ბავშვმა შეგვარცხვინა და დედამისთან წავიდესო. ამ სოფელში ვერ იცხოვრებსო“, - განაცხადა გარდაცვლილის დედამ.

შეგახსენებთ, რომ 10 თებერვალს ქობულეთში 14 წლის გოგონამ სიცოცხლე თვითმკვლელობით დაასრულა.

ავტორი: ექსპრესნიუსი,

სოციალური ქსელები

გვარაკიძე: კვლავ მკაცრი იყო პროკურატურის პოლიტიკა ოჯახურ დანაშაულზე, ყველას პატიმრობას ვითხოვდით

საქმე ეხება ფსიქოტროპული წამლებით უკანონო ვაჭრობას - დაკავებულია 17 პირი

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა