აშკარაა მცდელობა, რომ ნიკანორ მელიას მხრიდან მოხდეს მის მიმართ ისეთი ღონისძიებების განხორციელების პროვოცირება, რომელიც მას ერთგვარად ჰეროიზმის მანტიით შემოსავს, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ განაცხადა.

მისი თქმით, ქვეყანაში არავის აქვს უფლება, რომ საკუთარი თავი სამართალზე მაღლა დააყენოს.

„აშკარაა მცდელობა, რომ ნიკანორ მელიას მხრიდან მოხდეს პროვოცირება მის მიმართ ისეთი ღონისძიებების განხორციელებისა, რომელიც მისი გათვლებით, მას ერთგვარად ჰეროიზმის მანტიით შემოსავს, ეს არ არის სწორი გათვლა.

მისი გადაწყვეტილების მიხედვით მოხდება შემდგომი გადაწყვეტილებების მიღება როგორც პროკურატურის, ასევე, პარლამენტის მხრიდან. რასაკვირველია, აქ განსაკუთრებით მნიშვნელოვანია გავითვალისწინოთ, რომ არავის ამ ქვეყანაში არ აქვს უფლება საკუთარ თავს მისცეს უფლება, უფრო მაღლა დააყენოს თავი, ვიდრე საქართველოს სამართალი დგას“, - განაცხადა მიხეილ სარჯველაძემ.

ცნობისთვის, „ნაციონალური მოძრაობის“ თავმჯდომარეს, ნიკა მელიას დაკისრებული გირაოს თანხის გადახდის ვადა დღეს ეწურება. მას 2020 წლის 20 ივნისს, საკანონმდებლო ორგანოსთან განვითარებული მოვლენების დროს „ჯგუფური ძალადობის ხელმძღვანელობას და მასში მონაწილეობას“ ედავებიან.

ავტორი: ექსპრესნიუსი,

სოციალური ქსელები

გორში ტელე-რადიო კომპანია „თრიალეთის“ მხარდამჭერი აქცია გაიმართა

თიბისი სტუმრებს Tbilisi Open Air-ზე განსაკუთრებული შეთავაზებებით უმასპინძლებს

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა