სოფელ დიღომში, გიორგი ბრწყინვალეს ქუჩაზე სარეაბილიტაციო სამუშაოები მიმდინარეობს. პროექტის ფარგლებში,  11 320 კვ.მ ფართობზე ასფალტის  საფარი დაიგება.

ამ დროისთვის, გზის საფუძველის მომზადება მიმდინარეობს.

საგზაო სამუშაოებს, საბურთალოს რაიონის გამგებელი გაიოზ ვასაძე და მაჟორიტარი დეპუტატი ავთანდილ ცინცაძე გაეცნენ.

„სოფელ დიღომში ეს ერთ-ერთი მთავარი ქუჩაა, რომელიც სოფელ დიღომს  აკავშირებს აღმაშენებლის ხეივანთან. ძალიან მნიშვნელოვანი პროექტია. ამ ქუჩაზე უკვე მოწესრიგდა მიწისქვეშა კომუნიკაციები და ახლა აქტიურად მიმდინარეობს საგზაო სამუშაოები“, - განაცხადა გაიოზ ვასაძემ.

აღნიშნულ ქუჩაზე, კომპანია „ჯორჯიან უოეთერ ენ ფაუერმა“ წყლის სისტემა მოაწყო, დედაქალაქის მერიის ინფრასტრუქტურის განვითარების საქალაქო სამსახურმა კი - წყალარინების ახალი  ქსელი.

პროექტისთვის საბურთალოს გამგეობის ბიუჯეტიდან 1 014 703 ლარი გამოიყო. სამუშაოებს შპს „ლ. ენდ ლ“ აწარმოებს.

ავტორი: NS (სტატია დაფინანსებულია),

სოციალური ქსელები

გვარაკიძე: კვლავ მკაცრი იყო პროკურატურის პოლიტიკა ოჯახურ დანაშაულზე, ყველას პატიმრობას ვითხოვდით

საქმე ეხება ფსიქოტროპული წამლებით უკანონო ვაჭრობას - დაკავებულია 17 პირი

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა