2021-02-08 11:41:08, 554 ნახვა
საზოგადოება
ანდრია ჯაღმაიძის განცხადებით, გავრცელებული ინფორმაცია, რომ სინოდი ილია მეორის გადაყენებაზე იმსჯელებს, ფანტაზიაა
საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე რელიგიის ექსპერტთა ასოციაციის განცხადებას სოციალურ ქსელში ეხმაურება.
ჯაღმაიძე ფანტაზიას უწოდებს გავრცელებულ ინფორმაციას, რომ 11 თებერვალს სინოდის სხდომაზე პატრიარქის გადაყენებაზე იმსჯელებენ.
„ჟურნალიტებთან მექნება დიდი თხოვნა, შეკითხვებით ნუ მომმართავთ, იმ ფანტაზიებთან დაკავშირებით, რაც აქ დაუწერიათ“, - წერს ანდრია ჯაღმაიძე.
ცნობისთვის, 11 თებერვალს წმინდა სინოდის სხდომა გაიმართება. რელიგიის ექსპერტთა ასოციაციის განცხადებით, სინოდი ილია მეორის გადაყენებაზე იმსჯელებს. თუმცა, საპატრიარქო სხდომის მიზეზებს არ აკონკრეტებს.
ავტორი: ექსპრესნიუსი,
epn.ge (@expressnews.ge)
