2021-01-25 10:05:22, 648 ნახვა
მსოფლიო
საფრანგეთში შესაძლოა, უახლოეს მომავალში, საყოველთაო „ლოქდაუნის“ მესამედ დაწესება გახდეს საჭირო
საფრანგეთის სამეცნიერო საბჭოს ხელმძღვანელის, ჟან-ფრანსუა დელფრეისის განცხადებით, ქვეყანაში, უახლოეს მომავალში, საყოველთაო „ლოქდაუნის“ კიდევ ერთხელ დაწესება გახდება საჭირო.
მან ასევე აღნიშნა, რომ კორონავირუსის გავრცელების თვალსაზრისით, საფრანგეთში გასული კვირა განსაკუთრებით კრიტიკული იყო.
ჟან-ფრანსუა დელფრეისი მოუწოდებს ქვეყნის ხელისუფლებას იმოქმედოს სწრაფად კორონავირუსის ახალი ვარიანტების გავრცელების შეჩერების მიზნით.
პროფესორის თქმით, არსებული მონაცემების მიხედვით, კორონავირუსის ახალი შტამი, რომელიც პირველად ბრიტანეთში აღმოაჩინეს, საფრანგეთის რამდენიმე რეგიონში შემთხვევათა შვიდ-ცხრა პროცენტს შეადგენს და მისი შეჩერება არ იქნება იოლი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
