2021-01-11 14:11:39, 789 ნახვა
საზოგადოება
პაატა იმნაძის განცხადებით, საქართველოში კორონავირუსის ახალი შტამის საეჭვო შემთხვევა აღარ დაფიქსირებულა
დაავადებათა კონტროლის ეროვნული ცენტრის უფროსის მოადგილის, პაატა იმნაძის განცხადებით, საქართველოში კორონავირუსის ახალი შტამის საეჭვო შემთხვევა აღარ დაფიქსირებულა.
მისი თქმით, ახალ შტამზე დეკემბრიდან დაწყებული დაკვირვება დღემდე გრძელდება.
„დაწყებული დეკემბრიდან დღემდე, ახალ შტამზე, ყველა დადებით შემთხვევაზე ხდება მეთვალყურეობა. იქ არის მარკერები საეჭვო შემთხვევებზე, რომელსაც ჩვენ გადავარჩევთ ხოლმე. საბედნიეროდ, ასეთი შემთხვევები ჯერ არ გამოჩენილა იმ ერთის გარდა“, - განაცხადა პაატა იმნაძემ.
ავტორი: ექსპრესნიუსი,
epn.ge (@expressnews.ge)
