ოკუპირებული აფხაზეთის ე.წ საგანგებო სიტუაციების მინისტრი - საქართველოსგან დახმარება მიუღებელია

2021-01-09 15:29:15, 1233 ნახვა

საზოგადოება

ოკუპირებული აფხაზეთის ე.წ საგანგებო სიტუაციების მინისტრი ლევ კვიცინიამ განაცხადა, რომ აფხაზეთისთვის "საქართველოს დახმარება მიუღებელია".

აღნიშნულის შესახებ ლევ კვიცინიამ "ეხო-კავკაზა"-სთან ინტერვიუში განაცხადა.

"პირველად მესმის თქვენგან, რომ საქართველო გვთავაზობს რაიმე სახის დახმარებას, საქართველოს დახმარება ჩვენთვის მიუღებელია, ამიტომ ეს გამოგონილია. არანაირი მოლაპარაკება, მოლაპარაკებების მცდელობაც კი არ ყოფილა და არც შეიძლება არსებობდეს. ჩვენ არასდროს გვქონია კონტაქტი ქართველებთან", - განაცხადა ლევ კვიცინიამ.

ოკუპირებული აფხაზეთის საგანგებო სიტუაციების ე.წ მინისტრი ასევე აცხადებს, რომ მათ დახმარებისთვის არც რუსეთისთვის მიუმართავთ, რადგან ამის საჭიროება არ არის.

შეგახსენებთ, რომ ოკუპირებული აფხაზეთის ტერიტორიაზე უკვე რამდენიმე დღეა ტყის ხანძარს ებრძვიან.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან