საქართველოს პრეზიდენტი  გიორგი მარგველაშვილი  ვაშინგტონში  ეროვნულ დემოკრატიული ინსტიტუტის ხელმძღვანელებს შეხვდა.

პრეზიდენტის ადმინისტრაციის პრესსამსახურის ინფორმაციით, ქვეყნის პირველ პირს სამუშაო სადილზე ეროვნულ დემოკრატიული ინსტიტუტის თავმჯდომარემ მადლენ ოლბრაიტმა უმასპინძლა. შეხვედრას დემოკრატიული ინსტიტუტის მმართველი ორგანოს უმაღლესი წარმომადგენლები ესწრებოდნენ.

შეხვედრის დაწყებამდე საქართველოს პრეზიდენტმა დამსწრე საზოგადოებას სიტყვთ მიმრთა და საქართველოში მიმდინარე დემოკრატიულ რეფორმებზე ისაუბრა,  რის შემდეგაც შეხვედრა კითხვა - პასუხის რეჟიმში გაგრძლედა.

მხარეებმა საქართველო-ამერიკას შორის არსებული ურთიერთობები განიხილეს. ეროვნულ დემოკრატიული ინსტიტუტის წარმომადგენლები საქართველოში პოლიტიკური და სამოქალაქო ორგანიზაციების საქმიანობით  დაინტერესდნენ.

საქართველოს  პრეზიდენტმა „ენ დი აი“- ში მუშაობის პერიოდი გაიხსენა და მადლობა გადაუხადა ინსტიტუტის წარმომადგენლებს, აქტიური და ნაყოფიერი თანამშრომლობისათვის.

გიორგი მარგველაშვილმა ხაზგასმით აღნიშნა, რომ საქართველოს წარმატება და პროგრესი ევროპული და ევროატლანტიკური ინტეგრაციის გზაზე მნიშვნელოვანწილად სწორედ, ამერიკელი პარტნიორების ურყევმა მხარდაჭერამ განაპირობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პრინცი ჰარი მოულოდნელი ვიზიტით კიევს ეწვია

კობახიძემ თქვა, რომ რუბიოსთან დახურულ თემეზე ისაუბრა

მიხეილ სააკაშვილი: სპონტანური საპროტესტო აქციები რეჟიმისთვის ყველაზე დიდ საფრთხეს წარმოადგენდა

ენმ-ის თავმჯდომარე: ოპოზიციურ ალიანსში გაწევრიანების გადაწყვეტილება სააკაშვილის ინიციატივით იქნა მიღებული