2020-12-29 16:18:18, 774 ნახვა
სამართალი
თიკა მახალდიანის დედის მკვლელობის საქმეზე დაკავებულ ყოფილ პოლიციელს 8 წლით პატიმრობა მიესაჯა
მომღერალ თიკა მახალდიანის დედის მკვლელობის საქმეზე დაკავებულ ყოფილ პოლიციელს, სიმონ გაბრიაძეს 8 წლით თავისუფლების აღკვეთა მიესაჯა.
აღნიშნული გადაწყვეტილება თბილისის საქალაქო სასამართლოში დღეს იქნა მიღებული.
მოსამართლემ ყოფილი პოლიციელი პროკურატურის მიერ სისხლის სამართლის კოდექსის 108-ე მუხლით წარდგენილ ბრალდებაში დამანაშავედ ცნო.
შეგახსენებთ, რომ 2020 წლის 19 აპრილს, ნუცუბიძის ქუჩაზე ერთ-ერთი საცხოვრებელი სახლის აივნიდან პოლიციელის მიერ გასროლილმა ტყვიამ თამარ ანთელავას სიცოცხლე იმსხვერპლა.
ავტორი: ექსპრესნიუსი,
epn.ge (@expressnews.ge)
