ჯო ბაიდენი აცხადებს, რომ აშშ-ის უსაფრთხოებისთვის უმნიშვნელოვანეს უწყებებს ტრამპის ადმინისტრაციისგან დიდი ზიანი მიადგა

2020-12-29 10:44:26, 1246 ნახვა

მსოფლიო

აშშ-ის არჩეული პრეზიდენტი, ჯო ბაიდენი აცხადებს, რომ მისი გუნდი დონალდ ტრამპის ადმინისტრაციისგან ძალაუფლების გადაცემის პროცესში აუცილებელ ინფორმაციას ვერ იღებს და დაბრკოლებებს აწყდება.

ამის შესახებ ინფორმაციას „ბიბისი“ ავრცელებს.

გამოცემის ცნობით, აღნიშნულის შესახებ ბაიდენმა ეროვნული უსაფრთხოების და საგარეო პოლიტიკის თანაშემწეებთან შეხვედრის შემდეგ განაცხადა.

„ახლა ჩვენ უბრალოდ ვერ ვიღებთ ყველა იმ ინფორმაციას, რაც წარმავალი ადმინისტრაციისგან ეროვნული უსაფრთხოების მნიშვნელოვან საკითხებში გვჭირდება“, - აღნიშნა ბაიდენმა.

მან ტრამპის ადმინისტრაციის ასეთ საქციელს უპასუხისმგებლობა უწოდა და აღნიშნა, რომ მის გუნდს აშშ-ის ძალების პოზიციების შესახებ მკაფიო სურათი სჭირდება.

„ბევრ უწყებას, რომლებიც ქვეყნის უსაფრთხოებისთვის მნიშვნელოვან როლს ასრულებს, უზარმაზარი ზიანი მიადგა. ბევრი მათგანი პერსონალური, მორალური და ქმედუნარიანობის კუთხით განადგურებულია“, - განაცხადა ჯო ბაიდენმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან