2020-12-26 11:19:47, 406 ნახვა
საზოგადოება
გლდანის ხევის N6 – 6ა კორპუსებთან შიდა ეზო წესრიგდება
გლდანის რაიონის გამგეობა ინფრასტრუქტურულ სამუშაოებს განაგრძობს. ამჯერად, შიდა ეზოს მოწესრიგება გლდანის ხევის N6-6ა კორპუსებთან სრულდება, სადაც დაახლოებით, 2 900 კვადრატულ მეტრ ფართობზე ასფალტის საფარი იგება.
სამუშაოებისთვის, რომელსაც გლდანის რაიონის გამგეობის დაკვეთით, ტენდერში გამარჯვებული კომპანია ახორციელებს, დაახლოებით, 111 600 ლარი დაიხარჯება.
აღნიშნულ მისამართზე მიმდინარე წელს გლდანის გამგეობამ სკვერი მოაწყო. ასევე, გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, წითელ ხაზებში არსებული წყალარინების შიდა და გარე ქსელის რეაბილიტაცია განხორციელდა.
ავტორი: NS (სტატია დაფინანსებულია),
epn.ge (@expressnews.ge)
