სომხეთის პრემიერ-მინისტრმა ნიკოლ ფაშინიანმა გიორგი გახარიას პრემიერ-მინისტრად ხელახლა დანიშვნა მიულოცა.

ამის შესახებ ინფორმაციას „არმენპრესი“ ავრცელებს.

ფაშინიანმა იმედი გამოთქვა, რომ სომხეთსა და საქართველოს შორის ურთიერთობები მომავალშიც განვითარდება.

„მიიღეთ თბილი მილოცვა საქართველოს პრემიერ-მინისტრის თანამდებობაზე თქვენს ხელახალ დანიშვნასთან დაკავშირებით. გისურვებთ ახალ წარმატებებს ყველა წამოწყებაში მოძმე საქართველოს საკეთილდღეოდ.

წელიწად-ნახევრის განმავლობაში ჩვენს მთავრობებსა და პირადად ჩვენ შორის შეიქმნა ჩვენს ერებს შორის არსებულ მრავალსაუკუნოვან ისტორიულ კავშირებზე, კულტურულ და ცივილიზებულ საერთო საფუძვლებზე დამყარებული ეფექტიანი და ურთიერთმომგებიანი თანამშრომლობის ატმოსფერო.

დარწმუნებული ვარ, რომ ჩვენი ერთობლივი ძალისხმევით სომხეთსა და საქართველოს შორის ურთიერთობები მომავალშიც განვითარდება ყველა იმ მიმართულებით, რომლებიც ჩვენს საერთო ინტერესს წარმოადგენს, ჩვენი ქვეყნებისა და ერების საკეთილდღეოდ“, - ვკითხულობთ ფაშინიანის მისალოც გზავნილში.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს