2020-12-23 16:05:04, 667 ნახვა
მსოფლიო
თურქეთის სასამართლომ ჟურნალისტ ჯან დუნდარს 27-წლიანი პატიმრობა შეუფარდა
თურქეთის სასამართლომ ჟურნალისტ ჯან დუნარს 27 წლითა და 6 თვით თავისუფლების აღკვეთა მიუსაჯა. ოპოზიციური გაზეთის, „ჯუმჰურიეთის“ ყოფილ მთავარ რედაქტორს საიდუმლო მასალების აღმოჩენაში და ტერიროზმში ედება.
სასამართლოს განაჩენში აღნიშნულია, რომ ჯან დუნდარმა სახელმწიფო საიდუმლოებები ჯაშუშობის მიზნით მოიპოვა და ეხმარებოდა შეიარაღებულ ტერორისტულ ორგანიზაციას, რომლის წევრი თავად არ იყო.
2016 წელს ჟურნალისტი თურქეთიდან გერმანიაში გაიქცა და სასამართლომ დაუსწრებლად გაასამართლა.
სასამართლოს აღნიშნულ გადაწყვეტილებას ჟურნალისტის ადვოკატები პოლიტიკურად მოტივირებულს უწოდებენ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
