ადრეული შეტყობინების სისტემები, რომლებიც ვერეს ხეობაში დამონტაჟდება, უკვე თბილისშია.

ამის შესახებ დედაქალაქის მერის მოადგილემ ირაკლი ლექვინაძემ სასტუმრო „ჰოლიდე ინ“–ში განაცხადა, სადაც „სოციალური პასუხისმგებლობის კლუბის“ წევრების შეხვედრა გაიმართა.

ლექვინაძის ინფორმაციით, აღნიშნული სისტემები გარემოსა და ბუნებრივი რესურსების დაცვის სამინისტროს გადაეცემა და ვერეს ხეობაში უახლოეს მომავალში დამონტაჟდება.

მისივე თქმით, ამ ეტაპზე რადარების დაყენება მხოლოდ ვერეს ხეობაში იგეგმება.

„საერთაშორისო ექსპერტების მხარდაჭერით, ადრეული შეტყობინების სისტემები უკვე შესყიდულია და თბილისშია ჩამოტანილი. ძალიან მალე მოხდება მათი ვერეს ხეობაში დამონტაჟება. რადგან ამ ეტაპზე ვერეს ხეობაში ყველაზე კრიტიკული მდოგმარეობაა, მათი დამონტაჟება მხოლოდ ვერეს ხეობაში მოხდება. ამ ხეობაში ყველაზე მეტი წყლის მოცულობა, რაც ისტორიულად დაფიქსირებულა, იყო 1960 წელს. მაშინდელი მონაცემებით ეს იყო დაახლოებით 252 მ3 წამში. ბოლო სტიქიის დროს კი, დაახლოებით 550 მ3 წამში. დაახლოებით ორჯერ უფრო მეტი წყლის მასა მივიღეთ და ამან განაპირობა სტიქიის ასეთი მასშტაბი“, – აღნიშნა ლექვინაძემ.

მერის მოადგილის თქმით, თბილისის შემოგარენში არსებულ მდინარეების შესწავლა დაიწყება, სადაც გარკვეული საფრთხეებია მოსალოდნელი, თუმცა მან კვლევის დაწყების ზუსტი თარიღი ვერ დაასახელა.

„თბილისში ძალიან ბევრი მთის მდინარეა და არის გარკვეული საფრთხე, რომ მსგავსი ტიპის მოვლენები იყოს სხვადასხვა ტერიტორიებზე. მომავალში გვინდა, მსგავსი ტიპის სიტემები იქაც იყოს დამონტაჟებული. ეს არ არის იაფი სიამოვნება, ამიტომ საჭიროა მათი შესწავლა“, – განაცხადა ირაკლი ლექვინაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსმა პროპაგანდისტმა სალავიუვმა იტალიის პრემიერ მელონის, ძუკნა ქალი უწოდა, რომმა ელჩი დაიბარა

CNN: აშშ-მ ირანთან ომისთვის „პატრიოტის“ ტიპის სარაკეტო კომპლექსების მარაგის 50% გამოიყენა

უკრაინის მიერ ნავთობის წარმოების დაზიანების ან განადგურების შემდგომ, რუსეთი ბენზინის წარმოების სახელმწიფო დაგეგმვის სისტემას აღადგენს

უკრაინაში კიდევ ერთი ქართველი მებრძოლი ბაჩო ბებია დაიღუპა